काठमाडौ, २ असार - पार्टीको नीति र निर्णय विपरित निरन्तर काम गरेको भन्दै एमाले स्थायी समितिले नेपाल आदिवासी जनजाति महासंघका महासचिव आङ्काजी शेर्पालाई निस्काशन गरेको छ ।
उनी एमालेको सोलुखुम्वु जिल्ला कमिटीका उपसचिव थिए । उनी शुक्रबार माओवादीले खुलामञ्चमा गरेको सभामा महासंघका महासचिवका रुपमा सहभागी भएका थिए । उनले त्यहाँ जातीय पहिचानसहितको संघीयता र संघीयता विनाको संविधान अस्वीकार गर्ने उल्लेख गरेका थिए ।
